NÝTT LÍF MEÐ HEILSUSAMLEGUM LÍFSSTÍL

Jóga fyrir líkama og sál

Jóga hefur frábær áhrif á líkamann og getur hjálpað til við ýmis vandamál, bæði andleg og líkamleg. Jóga þýðir sameining eða heild og samanstendur af hugleiðslu, öndunaræfingum og jógastöðum, þar sem lært er að beita líkamanum í takt við öndun. Sameina líkama, hug og tilfinningar. Jógaæfingar krefjast bæði styrk, einbeitingar og liðleika. 

​

Jóga hefur mjög góð áhrif á líkamann og getur dregið úr ýmsum líkamlegum kvillum, svo sem sársauka í mjóbaki, liðagigt, höfuðverk, lækkað blóðþrýsting og dregið úr svefnleysi.  Einnig eykur það liðleika, vöðvastyrk, verndar líkamann  gegn meiðslum, bætir öndun og orku. Jóga bætir líkamsstöðu þar sem slæm líkamsstaða getur valdið verkjum í baki, hálsi, öðrum vöðvum í líkamanum og liðum. 

Það er vel vitað að styrktaræfingar styrkja beinin og hjálpa til að koma í veg fyrir beinþynningu. Margar jógastöður, líkt og "Downward- og Upward-Facing Dog" hjálpa til að styrkja handleggina sem eru mjög viðkvæmir fyrir beinþynningarbrotum. Einnig kom í ljós í rannsókn sem framkvæmd var í Kaliforníu að jóga eykur þéttleika beina í hryggjaliðunum. Jóga minnkar einnig stresshormónið Kortisól sem getur hjálpað til við að viðhalda kalki í beinum.

​

Andlegu áhrifin af jóga eru óteljandi. Það hjálpar meðal annars til að fá jákvæðari sýn á lífið og að takast á við streitu, sem getur haft gríðarleg áhrif á líkamann og getur meðal annars valdið háls- eða bakverkjum, svefnleysi, einbeitingarskorti og fleira. Regluleg jógaiðkun veitir skýrleika og ró, eykur líkamsvitund, athygli og einbeitingu. 


 HEIMILD - HEIMILD

​

​

 

Hollur og góður vegan matur

Einfaldar uppskriftir sem allir geta prófað

Ég hef verið vegan síðan 2014 og vil deila með ykkur mínum uppáhalds vegan uppskriftum. Það þýðir að þær innihalda engar dýraafurðir, hvorki kjöt, egg, né mjólkurafurðir.  Þær eru mjög hollar og fullkomnar fyrir þig ef þú vilt hollan mat sem er á sama tíma ótrúlega bragðgóður. Ef sætindaþörfin gerir vart við sig þá má einnig finna helling af uppskriftum sem slá á hana, t.d. sykurlausar kókoskúlur þar sem döðlur eru  notaðar í staðinn fyrir sykur. Allar uppskriftirnar eru sykurlausar, innihalda ekkert hveiti, ger eða annan unnin mat. Örfáar uppskriftir innihalda þó náttúrulega sætu líkt og kókospálmasykur þar sem hann hækkar blóðsykurinn ekki eins mikið, en honum er alltaf hægt að sleppa.

​

Það fylgir því ótrúlegur ávinningur að fylgja hollu og góðu mataræði. Hollt mataræði eða mataræði sem hentar þínum líkama getur bætt líðan, bæði andlega og líkamlega, hjálpar einnig mikið til við þyngdarstjórnun. Það hjálpar til við bakflæði, útþaninn maga eða magaóþægindi. Einnig gott fyrir bjúg, höfuðverki, liðverki, þreytu, streitu, svefntruflanir og ristilvandamál.

HUGAÐU AÐ HEILSUNNI

Heilsan er öllum mikilvæg og gæti þegið mun meiri athygli hjá mörgum okkar. Við vitum flest hvað er hollt og gott fyrir líkama okkar en við högum okkur ekki alltaf í samræmi við það. Það getur verið erfitt að fara út úr þægindarammanum og byrja að hreyfa sig eða að finna nýja og holla uppskrift til að elda. Ég get aðstoðað þig við að byrja.

Ég er einkaþjálfari og bý til sérsniðið og hollt matarpram fyrir fólk, bæði vegan og ekki vegan. Ég hef verið vegan síðan 2014 og sérhæfi mig í því. Einnig býð ég uppá lyftinga- og æfingaprógram fyrir fólk á öllum aldri. Bæði fyrir byrjendur og lengra komna. 

Það er aldrei of seint að byrja!
Sjá meira hér :)

 

UM MIG

Anna Lind Fells

Ég hef mikinn áhuga á öllu sem tengist heilsu og almennri vellíðan. Ég hef verið plant based vegan síðan árið 2014 og það breytti mínu hugarfari algjörlega hvað varðar heilsu og auðvitað velferð dýra. Ég var á 100% hráfæði (raw vegan diet) fyrsta eina og hálfa árið en núna borða ég einnig eldaðan mat, svo lengi sem hann er hollur. Ég legg þó ennþá mikla áherslu á hráfæði og lifandi fæði. Ég borða ekki unna matvöru, hvorki sykur, hveiti né annað slíkt.

Ég er útskrifuð úr Menntaskólanum við Hamrahlíð af Náttúrufræðibraut. Lærður einkaþjálfari og tel það mjög mikilvægt að styrkja líkamann, sérstaklega fyrir fólk á miðjum aldri og eldra. Einnig er ég menntuð sem Hatha jógakennari frá Samma Karuna jógakennaraskóla á eyjunni Koh Phangan í Tælandi. Jóga hefur alltaf verið mín ástríða og líf mitt tók allt aðra stefnu eftir að ég kynntist og fór að stunda jóga árið 2011.

 
Orkustöðvar-chakras
​

Orkustöð eða chakra þýðir hjól sem snýst og er átt við hjól af orku sem myndar hringiðu í gegnum líkamann. Aðal orkustöðvarnar eru 7 talsins og liggja þær meðfram hryggnum, byrja að botni hryggsins og leiða til kórónu höfuðsins. Orkustöðvarnar safna orku sem kallast lífsorka eða Prana, umbreyta henni og dreifa um líkama okkar. Sú orka heldur okkur heilbrigðum og lifandi.

​

Flæði orkunnar í gegnum orkustöðvar einstaklingsins ákvarðar heilsuástand hans og jafnvægi. Allir hugleiðslu- og jógatímar leitast við að koma orkustöðvunum í  jafnvægi, hreinsað er neðri orkuna og leitt hana upp í átt að hærri orkustöðvunum. 

​

Orkustöðvarnar liggja á þremur miðlægum orkubrautum. Shushumna Nadi liggur í miðjunni og leiðir okkur að hærri vitund. Ida Nadi liggur á vinstri hluta líkamans, kvenorkan, og helst í hendur við tilfinningar okkar og þrár í fortíðinni, þar er "superego" sem heldur í allar okkar minningar, vana og allt sem mótar okkur. Pingala Nadi liggur á hægri hluta líkamans, karlorkan, og helst í hendur við okkar plön og áætlanir. Þar er "ego" sem gefur okkur tilfinningu um "égið" eða að við séum  aðskilin frá heiminum.

​

Stífluð orka í einhverri af orkustöðvunum okkar getur oft leitt til veikinda og því er mikilvægt að skilja hverja orkustöð fyrir sig og hvað við getum gert til þess að halda orkunni flæðandi.

​

​

​

Matarsamblöndun - (e.  food combining)

Ertu oft með útþaninn maga eða þjáist af uppþembu? Það gæti værið afleiðing lélegrar samsetningu matar (e. bad food combining).
Ef þú upplifir oft orkuleysi, uppþembu, magaverki eða þreytu, þá gætu eftirfarandi upplýsingar hentað þér.

​

Það getur verið mjög erfitt fyrir meltinguna að blanda saman ákveðnum mat sem ætti ekki að vera blandaður saman. Slæm matarsamblöndun getur valdið ýmsum heilsuvandamálum, líkt og brjóstsviða, miklum vindgangi, magaverkjum, meltingarvandamálum og einnig getur það leitt til næringarskorts vegna lélegrar meltingar. 

​

Ákveðnir flokkar matar meltast í mismunandi umhverfi. Til dæmis meltist próteinríkur matur í súru umhverfi á meðan sterkjur, t.d. kartöflusterkja, meltast í basísku umhverfi. Ef við borðum prótein og sterkju í sömu máltíð þá skerðist meltingin, það er vegna þess að tveir meltingarmiðlar sem framleiddir eru af líkamanum jafna hvor annan út. Ef líkami okkar er ófær um að melta matinn sem við borðum þá munu bakteríur gera vart við sig, gerjast og rotna þar.

 

 
Vegan mataræði

Þeir sem eru vegan neyta engra dýraafurða, hvorki innbyrða þau kjöt, egg, fisk, né mjólkurafurðir. Fólk er orðið mjög meðvitað um það hvað vegan mataræði getur haft góð áhrif á heilsuna. Vegan íþróttastjörnum fjölgar hratt og segja sífellt frá bættri líðan og meiri orku. Til eru margar ástæður fyrir því, til dæmis er ekki að finna neitt kólesteról í jurtaríkinu og rannsóknir hafa sýnt fram á það að vegan mataræði dregur úr hættu á sykursýki tvö, háum blóðþrýsting, offitu og hjartasjúkdómum.

​

Fjöldi fólks um allan heim hefur gerst vegan vegna krabbameins eða annarra sjúkdóma. Margir halda því fram að þeir hafi sigrast á krabbameini eftir að þeir hættu neyslu dýraafurða. Vegan mataræði ýtir undir basískan líkama og krabbameinsfrumur, bakteríur og sveppir þrífast í súrum líkama. Gerð var rannsókn sem tók 15 ár og sýnir hún fram á það, ásamt öðrum rannsóknum, að það eru 19% minni líkur á að fá krabbamein ef þú ert vegan. Önnur rannsókn var gerð í 87 löndum til að sýna tengingu lífstíls og krabbameins. Niðurstöður leiddu í ljós að helsta ástæða fyrir 12 algengum krabbameinum var tengd neyslu dýraafurða, það er að segja kjöt- og fiskneysla og neysla á eggjum og mjólkurafurðum. Sú tegund af krabbameini sem dýraneysla var tengd við var brjóstakrabbamein, krabbamein í legi, nýrum, eggjastokkum, brisi, blöðruhálskirtli, eistum, skjaldkirtli og mergæxlum. Einnig sýndi þessi rannsókn fram á að aukin neysla dýraafurða í mörgum löndum jók krabbameinstíðni.

 
 
 

Akralind 3

Anna Lind Fells Snorradóttir

659 1662