KOMDU LÍKAMANUM Í JAFNVÆGI Á NÁTTÚRULEGAN HÁTT OG ÖÐLASTU ORKURÍKARA LÍF 

4 vikna jóga- og hugleiðslunámskeið í Áróra Yoga, Dalsmára 9-11, Sporthúsinu. Frá 9. mars til 1. apríl 2020.
Mánudaga og miðvikudaga kl. 20:00-21:15.
Kennarar: Anna Lind Fells og Kristín Salín

Viltu læra undirstöðuatriðin í jóga?

Á jóganámskeiðinu verður farið í grunn jógastöður þar sem við ræktum við huga, líkama og sál. Hentar einnig fyrir lengra komna sem vilja læra tæknina betur. Tökum öndunaræfingar og góða djúpslökun í lokinn til að endurnýja líkamann, róa taugakerfið og losa okkur við streitu. Markmið námskeiðsins er að styrkja líkamann, losa okkur við streitu, auka liðleika, einbeitingu, jafnvægi og almenna líðan. 

Við gefum okkur oft ekki nægan tíma til að huga að okkur sjálfum, bæði líkama og sál. Leyfum stressinu stundum að ná til okkar eða ýmsum hugsunum. Hér er fullkominn tími til að slaka á í 75 mínútur, ná stjórn á huganum með öndun og jógastöðum og ná góðri hreyfingu á sama tíma.

​

• 4 vikna jóganámskeið sem hefst 9. mars 2020 og lýkur 1. apríl.

• Kennarar: Anna Lind Fells og Kristín Salín. 

• Verð: 15.900 kr. 

• Kennt er á mánudögum og miðvikudögum kl. 20:00 - 21:15.

​

​

Aðeins er tekið við 17 þátttakendum í mesta lagi á hvert námskeið til þess að þeir öðlist sem bestu kennslu og ýtarlegri leiðbeiningar frá kennurum. Annar jógakennarinn mun kenna á meðan hinn mun labba á milli og leiðrétta og aðstoða. Þannig fá allir þá aðstoð sem þeir þurfa.

Skráðu þig á námskeiðið hér:

Um Jóga:

Jóga hefur frábær áhrif á líkamann og getur hjálpað til við ýmis vandamál, bæði andleg og líkamleg. Jóga þýðir sameining eða heild og samanstendur af hugleiðslu, öndunaræfingum og jógastöðum, þar sem lært er að beita líkamanum í takt við öndun. Sameina líkama, hug og tilfinningar. Jógaæfingar krefjast bæði styrk, einbeitingar og liðleika.​

Jóga hefur mjög góð áhrif á líkamann og getur dregið úr ýmsum líkamlegum kvillum, svo sem sársauka í mjóbaki, liðagigt, höfuðverk, lækkað blóðþrýsting og dregið úr svefnleysi. Einnig eykur það liðleika, vöðvastyrk, verndar líkamann gegn meiðslum, bætir öndun og orku. Jóga bætir líkamsstöðu þar sem slæm líkamsstaða getur valdið verkjum í baki, hálsi, öðrum vöðvum í líkamanum og liðum.

Það er vel vitað að styrktaræfingar styrkja beinin og hjálpa til að koma í veg fyrir beinþynningu. Margar jógastöður, líkt og "Downward- og Upward-Facing Dog" hjálpa til að styrkja handleggina sem eru mjög viðkvæmir fyrir beinþynningarbrotum. Einnig kom í ljós í rannsókn sem framkvæmd var í Kaliforníu að jóga eykur þéttleika beina í hryggjaliðunum. Jóga minnkar einnig stresshormónið Kortisól sem getur hjálpað til við að viðhalda kalki í beinum.

Andlegu áhrifin af jóga eru óteljandi. Það hjálpar meðal annars til að fá jákvæðari sýn á lífið og að takast á við streitu, sem getur haft gríðarleg áhrif á líkamann og getur meðal annars valdið háls- eða bakverkjum, svefnleysi, einbeitingarskorti og fleira. Regluleg jógaiðkun veitir skýrleika og ró, eykur líkamsvitund, athygli og einbeitingu.