
Mexíkósk grænmetisúpa
Þessi uppskrift dugar fyrir um það bil 8 manneskjur. Ég elska að gera súpurnar mínar þykkar, nánast eins og pottrétti, en ef þið viljið hafa hana þynnri þá getiði bætt við vatni.
INNIHALD:
1 sæt kartafla (skorin í teninga)
360 g gulrætur (um 1 cm þykkar)
1 stór laukur
4 hvítlauksgeirar
1 blómkálshaus
400 ml kókosmjólk
1 bolli kínóa
170 g sveppir
1/2 ferskur rauður chilli
720 ml krukka maukaðir tómatar (fæst í Nettó)
250 g kjúklingabaunir
1-1 1/2 líter vatn
4 tsk karrýduft
2 msk italian seasoning eða þurrkuð basilika
sjávarsalt og svartur pipar eftir þörfum
AÐFERÐ:
Skerið sætu kartöfluna, gulræturnar, laukinn, blómkálið, sveppina og chillíið í litla bita og setjið í stóran pott. Bætið síðan restinni saman við og sjóðið í um það bil 20 mínútur eða þar til kartaflan og gulræturnar eru tilbúnar. Ég nota forsoðnar kjúklingabaunir og skelli þeim í pottinn í lokin.
Njótið :)