Ég er heilsumarkþjálfi, næringar- og lífsstílsráðgjafi og aðstoða fólk við að ná góðri heilsu. Ég býð uppá persónulega ráðgjöf fyrir þá sem vilja öðlast heilbrigðan lífsstíl með hollu mataræði, hreyfingu og lífsstílsbreytingum. Einnig er ég menntaður einkaþjálfari og jógakennari. 

Ég hjálpa þér að ná markmiðum þínum sem tengjast lífsstíl, t.d varðandi mataræði, svefn, tímastjórnun, núvitund, hreyfingu eða annað slíkt. Þetta snýst ekki um skyndilausn heldur finnum við einstaklingsmiðaða lausn sem virkar fyrir þig til lengri tíma, með einu skrefi í einu. 

Heilsumarkþjálfunin fer fram aðra hverja viku, klukkutíma í senn, yfir 6 mánaða tímabil. Notast er við heildræna nálgun að vellíðan, hollum lífsstíl og bættu mataræði. Það hefur verið sýnt fram á það að 6 mánuðir er sá tími  sem þarf til þess að einstaklingurinn finni fyrir breytingum á líðan og líkama og nái að viðhalda góðum venjum og nýjum lífsstílsbreytingum.

​

Ég hjálpa þér að læra að hlusta á eigin líkama þar sem allar matarvenjur eru mismunandi fyrir hvern einstakling fyrir sig og eru allir með sínar sérþarfir. Margt sem telst "hollt" hentar kannski ekki fyrir þinn líkama. Ef þú ert orkulaus, þjáist af magavandamálum eða bólgum í líkamanum, vilt léttast, losna undan streitu eða einfaldlega líða betur í eigin líkama þá er þessi þjálfun fyrir þig.

​

Í mörgum tilfellum veit líkaminn hvað hann er að gera og læknar sig sjálfur frá ýmsum veikindum en við erum stanslaust að koma í veg fyrir það með því að borða óhollan mat og stunda slæmar lífstílsvenjur. Það kemur í veg fyrir að líkaminn geti til dæmis unnið úr bólgum, þar sem bólgur eru uppspretta flestra sjúkdóma.